"Азаттыктын" Бишкектеги бюросунун кызматкери, журналист, педагог-режиссер.
Ош жана Жалал-Абад дубандарындагы момун жашоочулар тополоң окуялардын кесепеттерин жоюуга жардам беришкен мекендештерине ыраазылык билдирип жатышат. Ошол эле учурда эл ичинде өкмөттүн саясатындагы мажүрөөлүк жөнүндө, айрым саясатчылардын, бийлик адамдарынын аша чапкан аракеттери жөнүндө сөз болууда.
ЕККУнун полиция тобуна каршы бир нече митинг өттү. “Айкөл эл” партиясынын лидери Эдил Байсалов бул митингдер толук, так маалыматтын болбогонунан улам өтүп жатат деген пикирде.
“Эл үнү” берүүсүнө кайрылган угармандар Убактылуу өкмөт мыйзамдуулукту сактап, мамлекеттин казынасына кол салган коррупциялашкан чиновниктерди жоопкерчиликке тартууну сунуштап, өлкөнүн түштүгүнө ЕККУнун полиция күчтөрүн киргизүүгө кайчы пикирлерин билдиришти.
Эл аралык жана жергиликтүү массалык маалымат каражаттары түштүктөгү окуяларды кандай чагылдырганы тууралуу “Азаттыктын” суроолоруна “Журналисттер” коомдук бирикмесинин координатору Мери Бекешова жооп берди.
Алатоолук кыргыздар менен тарыхый жана маданий байланыштары бар Алтай жергесине жакында Кыргызстандан элдик өкүлдөрдөн куралган кырк жигиттин экспедициясы жөнөгөн жатат. Ал топ Алтайга жетип, ал жактан кайра ат менен Манас көчүп келген жолду басып, жүрүш жасап, сыйынып, Алтай менен Ала-Тоонун тарыхый жана табигый байланышын жандандырып жаңыртууну ниет кылууда. Буга байланыштуу “Азаттыктын” суроолоруна коомдук ишмер Кемел Ашыралиев жооп берди.
Ош облусунун комендантынын орунбасары, генерал-майор Замир Молдошев Ошто кармалган өзбек тектүү жарандар кыйноолорго кабылып жатканы боюнча маалыматтарды туура эмес деп эсептээрин, кылмыш жасагандар улутуна карабай кармалып жатканын айтат.
Кыргызстанга ЕККУнун полиция күчтөрүн киргизүү маселелерине байланыштуу суроолорго Юстициянын генерал-майору, эксперт Кубатбек Кожоналиев жооп берди.
Кыргызстандын түштүгүндөгү соңку кырдаал, Өзгөндөгү абал тууралуу “Азаттыктын” суроолоруна Өзгөн шаарынын мурдагы мэри Сабыржан Атажанов жооп берди.
Кыргызстандын энергетика тармагындагы маселелер, жасалып жаткан иштер тууралуу энергетика министри Осмонбек Артыкбаев “Азаттыкка” маек курду.
Президенттик администрациянын башчысы Эмил Каптагаев азыркыдай шартта өкмөттүн курамы туура тандалды деп эсептейт.
Убактылуу өкмөт мүчөсү, БЭК партиясынын лидери А. Бекназаров маанилүү үч сунушун Убактылуу өкмөттүн айрым мүчөлөрү колдобой жатканын айтып, өзүнө карата айтылып жаткан айың кептерди четке какты.
Өлкө түштүгүндөгү калабадан кийинки жагдай боюнча “Азаттыктын” таңкы түз обосундагы суроолорго этникалык чыр-чатактар, коопсуздук маселелери боюнча эксперт Талант Разаков жооп берди.
Күз айына белгиленген шайлоо, саясий партиялардын активдүүлүгү жана жаңы бийликтин саясаты тууралуу “Азаттыктын” суроолоруна коомдук ишмер Шамшыбек Медетбеков жооп берди.
“Эл үнү” программасына Оштогу коогалаңдуу окуядан кийинки атуулдардын укуктары жөнүндө, этностор аралык кагылышууну болтурбоонун жолдору тууралуу пикирлер айтылды.
Саясат таануучу Табылды Акеров Эл аралык коомчулукка Кыргызстандын түштүгүндө жалаң гана өзбектерге зомбулук болуп жатат деген бир беткей маалымат тарап жатат деп эсептейт.
Акыйкатчынын Оштогу өкүлү Талипбек Нуралиев өлкө түштүгүндө өзбек тектүү жарандар жапа чегип жатканы тууралуу сөздөр текшере келгенде туура эмес чыгып жатканын, ушундай жалган маалыматтар элди удургутуп жатканын айтат.
Кыргызстандын түштүгүндөгү балдардын укуктарын коргоочу уюмдар өздөрүнүн күч-аракеттерин бириктирип иш алып барууну максат кылышууда. Бул жөнүндө "Азаттыкка" Укук коргоочу Назгүл Турдубекова айтып берди.
Кыргызстандын президенти Роза Отунбаева сунуш кылган техникалык өкмөттүн жаңы структурасы жана жаңы өкмөткө министрлерди тандоонун оош-кыйышы жөнүндө коомдук ишмер Юруслан Тойчубеков ой-пикир бөлүшөт.
Сузак районундагы жакындары камалган аялдардын нааразылык акцияларынын чоо жайы жана жалпы нааразылыктардын себептери жөнүндө аталган райондун акими Нурболот Мурзакметов "Азаттыкка" кеп курду.
КДК партиясынын төрагасы Жыпар Жекшеев шайлоого барчу убактылуу өкмөт мүчөлөрү кызматтан кетип, президент Роза Отунбаева чечкиндүү кадамдарга барыш керек деп эсептейт.
Дагы жүктөңүз
