Маселен, Ошто чайханада чогулуп, өткөн-кеткенди, жай турмушту же тарых-санжыраны кеп салып отуруу карыларга илгертен салт болуп калган. Азыр да ошентип көк чай ичип же шахмат ойноп отурган аксакалдар бар. Бирок кептин нугу учурда саясаттын гана айланасында жүрүп калган сыяктуу. Анткени жумушсуздук, пенсиянын аздыгы жана көр тирилик улгайган адамдардын да көңүлүн өйүткөн нерсе.
Ал эми аликүнчө операция жасап, активдүү өмүр сүрүп келаткан академик Мамбет Мамакеев 1-октябрда 88 жашка чыгат. Ал ушу бүгүн да күнүгө таң атпай чуркайт, өзүнүн атындагы улуттук клиникадагы операцияларга катышат, шакирттерин чогултуп, жыйындарды өткөрөт. Мамакеевдин ишениминде, эр ортону 50 эмес, 85 жаш.
1-октябрь дүйнөдө карылар күнү катары белгиленет. Эмесе карыларга арналган "Азаттыктын" атайын берүүсүнүн радио версиясын сунуштайбыз: