Кадамжай: сел чыгымы такталууда

Сел катуу жүргөн Орозбеков айылында үч үй жашоого таптакыр жараксыз болуп кыйраган. Дагы аныктоо иштери жүрүп жатканын аймакта түзүлгөн штабдан “Азаттыкка” билдиришти.

Өкмөт башчы Сооронбай Жээнбеков Кадамжайга учуп барып, жергиликтүүлөрдүн сел жүрүп өткөндөн кийинки абалы менен таанышты.

27-майдагы сел кырсыгында дайынсыз жоголгон үч жаштагы Эльдар Жороевди издөө иштери уланып жатканын Өзгөчө кырдаалдар министрлигинин Баткендеги өкүлчүлүгү кабарлады. Маалыматтар боюнча, бала кырсыкка кабылган "Хонда CRV" автоунаасында болгон.

Учурда жолду тазалоо иштери жүрүп жатат. Азырынча каттамга уруксат бериле элек.