Баткен: жабылган жол ачыла элек

Чек арага жакын жердеги үйдүн терезеси. Ушул үйдүн жанында милиция кызматкери жарадар болгон. Ак-Сай, Баткен. (Сүрөт Адилет Абдырасул уулу Kloop.kg сайтыныкы.)  

Кыргыз жана тажик чек арачылары бейтарап зонада саат сайын жолугуп, кырдаалды талкуулап жатышат. (сүрөт Мамлекеттик чек ара кызматына таандык)

Кыргыз-тажик чек арасы. (сүрөт Мамлекеттик чек ара кызматына таандык)

Аксайлык аялдар. 

Кыргызстандык чек арачылар. (сүрөт Мамлекеттик чек ара кызматына таандык)

Кыргыз чек арачылары. (сүрөт Мамлекеттик чек ара кызматына таандык)

Кыргыз чек арачылары. (сүрөт Мамлекеттик чек ара кызматына таандык)

Чыр чыккан аймакка Жогорку Кеңештин депутаттары барды. Сүрөттө: Төрөбай Зулпукаров, Айнуру Алтыбаева, Карамат Орозова. 

13-март күнү саат 15:30дар чамасында Кыргызстандын Ак-Сай жана Тажикстандын Мехнатабад айылдарынын тургундарынын ортосунда чатак чыккан. Учурда жаңжал чыккан аймакта абал тынч, топтолгон эл жок жана жабылган жолдор ачыла элек.

Учурда Кыргызстандын вице-премьер-министри Жеңиш Разаков жана Тажикстандын премьер-министринин орун басары Азим Иброхимдин жетекчилиги алдында эки тараптуу сүйлөшүүлөрдү уланууда.  

Кездешүү Баткен районунун Ак-Сай айыл аймагынын Көк-Таш айылындагы Головной тилкесинде өтүп жатат.

​Кыргыз-тажик чек арасындагы жаңжал 13-мартта чыгып, 14-мартта да уланды.

Чек арада болгон жаңжалда кыргыз тараптан үч адамга ок тийди, тажик тарапта эки адам өлүп, бир нече киши жараат алганы кабарланды.

Өткөн алты жылда кыргыз-тажик чек арасында курал колдонууга чейин жеткен ондон ашуун чек ара чатагы чыккан. Анын баары Ворух тажик анклавын айланып өтүүчү жолдун курулушуна байланыштуу.

Жаңы чек ара чатагы да буга чейин токтоп калган Көк-Таш - Ак-Cай - Тамдык жолун курууну калыбына келтирүү боюнча кыргыз тараптын аракетинен улам чыкканы белгиленди.

14-мартта Тажикстандын Улуттук коопсуздук мамлекеттик комитетинин Чек ара башкармалыгынын басма сөз кызматы тараткан билдирүүдө "Көк-Таш - Ак-Сай - Тамдык" жолунун курулушу өкмөттөр аралык эки тараптуу келишимди бузуу менен башталган" деп айтылат.

Баткендеги лицейде башпааналап жаткан аксайлык аял.

Депутаттарга жолугууга келген эл.