Бишкекте Каба уулу Кожомкул атындагы спорт ордосунда бокс боюнча Кыргызстандын чемпионаты аяктады. Маданият, маалымат жана жаштар саясаты министрлигине караштуу Дене тарбия жана спорт департаменти 19-23-ноябрь күндөрү өткөн мелдешке өлкөнүн булуң-бурчунан 120 спортчу катышканын билдирди.
Жыйынтыгында кыз-келиндер арасында Алия Саалыева (50 кг), Милана Шихшабекова (54 кг), Мираида Ташполотова (57 кг), Аделя Асылбек кызы (60 кг), Зарина Асанова (70 кг) чемпион болушту.
Эркектер арасында Асылбек Аманкул уулу (48 кг), Анваржон Ходжиев (51 кг), Зафарбек Камалов (54 кг), Санжай Сейдакматов (57 кг), Рыспек Бектенов (60 кг), Омар Ливаза (63.5 кг), Алмаз Орозбеков (67 кг), Элдар Турдубаев (71 кг), Ислам Тургунов (75 кг), Өмүрбек Бекжигит уулу (80 кг), Эркин Адылбек уулу 86 (кг), Бакыт Токтосун уулу (92 кг) жана Мырзакир Кошалиев (+92 кг) өз салмактарында биринчи орунду алышты.
31-октябрда Кыргызстандын бокс федерациясы World Boxing уюмуна расмий түрдө кошулганы белгилүү болгон. Уюм 2023-жылы апрелде түзүлүп, башка өлкөлөрдү кошууга умтулууда. Бирикме Олимпиададагы бокс мелдештерин өткөрүүгө аракеттенип жатат.
World Boxing уюму АКШнын Колорадо штатында 19 жашка чейинки спортчулар арасында дүйнө чемпионатын - өзү уюштурган алгачкы эл аралык мелдешти өткөрүп, ага Кыргызстандан беш мушкер катышып келген. (BTo)
Дагы караңыз
Айсулуу Тыныбекова 2028-жылы Олимпиадага бара турганын айттыЖети журналистти актоо өкүмү күчүнө кирдиЖалал-Абад: Облустук соттун эки судьясы кызмат абалын кыянат пайдаланган деп шектелүүдөНоокатта милициянын алты кызматкери пара алууга шек саналып кармалдыЖазуучу Олжобай Шакирдин жаңы китеби жарык көрдүБишкек шаардык сотунда төрт журналисттин иши карала баштады