Бишкек - Нарын - Торугарт жолундагы Кум-Бел жана Ак-Бейит ашуулары аркылуу автоунаа кыймылына убактылуу чектөө киргизилди.
Транспорт жана байланыш министрлиги 6-ноябрда маалымдагандай, аталган ашууларга 20 см калыңдыкта кар жааган. Учурда №957 жол тейлөө башкармалыгынын жумушчулары жолду кар күрткүсүнөн тазалап, кум-шагыл себүү иштерин жүргүзүүдө.
Ушундай эле кар күрткүсүнөн улам Суусамыр - Талас - Тараз жолундагы Өтмөк ашуусунда да дөңгөлөктөрүнүн чынжыры жок жүк ташуучу автоунаалар өтө албай, чогулуп калган. Учурда карды тазалоо иштери жүрүп жатат.
Төө-Ашууга кире бериштеги Сосновка постунда жүк ташуучу автоунаалардын кыймылына киргизилген чектөө 6-ноябрда саат 8:30дан тарта алынды. Жүк ташуучу унааларга ашууга чыгууга №9 Жол тейлөө башкармалыгынын техникалары көмөктөшүүдө.
Транспорт жана байланыш министрлиги "Сосновка", "Арал" жана "Чычкан" постторунан тайгалакта жүрүүгө ыңгайлашпаган автоунаалар ашууларга кое берилбей жатканын эскертүүдө.
Аталган министрлик ашуу аркылуу жүрүүчү бардык унаалардын айдоочуларынан кышкы дөңгөлөктөр менен атайын чынжырларды, күрөк жана башка жолго керектүү шаймандарын, тамак-аш, суу ала жүрүүгө чакырууда.(ZKo)
Дагы караңыз
Министрлик мугалимдин беделин түшүрүүгө жол берилбесин билдирдиУлуу Британияга айыл чарба иштерине каттоо башталатАКШ: алгачкы штаттардагы шайлоонун жыйынтыгы чыга баштадыАКШ: Трамп шайлоочулар коллегиясынын 230, Харрис 205 добушун алууда