27-октябрда, саат 10:16да күчү очогунда 3,5 баллга жеткен жер титирөө болду. Сейсмология институтунун маалыматына караганда, жер титирөөнүн очогу Кыргызстандын аймагында, Ош шаарынан 95 чакырым түштүк-батыш тарапта, Кичи-Алай тоо кыркаларында катталган.
Эл жашаган аймактарда силкинүүнүн күчү сезилген эмес.
Жер титирөө ушуну менен октябрь айынын экинчи жарымындагы төртүнчү жолу катталып жатат.
22-октябрь күнү саат 11:48де Кыргызстан менен Кытайдын чек арасында очогунда күчү 3 баллга жеткен жер титирөө катталган.
21-октябрга караган түнү кыргыз-тажик чек арасында күчү 4,5 баллга жеткен жер титирөө катталып, Алай районунун Нура айылында 3,5 балл, Бор-Дөбө айылында 3 баллга чейин сезилген.
17-октябрда Ысык-Көл облусунун Жети-Өгүз районунун Бедел, Ыштык айылдарында 4 балл, Кумтөр ишканасында 3 балл Каракол шаарында 2,5 баллга (Бедел айылынан 138 чакырым түштүк чыгышта, Каракол шаарынан 145 чакырым түштүк чыгышта) чейин сезилген. (ZKo)
Дагы караңыз
Аба ырайы: жаан, кар жаайт"Ата-бала кой кайтарганы чыккан бойдон дайынсыз". Жумгалда жоголгондордун жакындары жардам сурады Болгария: Соңку төрт жылда жетинчи жолу парламенттик шайлоо өтүп жататИрандын түштүгүндөгү кол салууда 10 полиция кызматкери набыт болдуУкраина жана Орусия дрон чабуулдары болгонун маалымдады