Баткен шаарында кыргыз-өзбек чек арасын демаркациялоо боюнча жумушчу топтордун жолугушуусу өттү. Бул тууралуу маалымат Кыргызстандын Министрлер кабинетинин сайтына 21-октябрда жарыяланды.
Жолугушууда кыргыз-өзбек чек арасын демаркациялоо маселеси талкууланып, айрым участоктордо талаа изилдөө иштери жүрдү.
Демаркация - мамлекеттик чек ара сызыгын жеринде белгилөө, атайын чек ара белгилерин коюу.
Кыргыз-өзбек чек арасы боюнча делимитация жана демаркация жараяны аяктаганын президент Садыр Жапаров 2023-жылы 27-январда Бишкекке мамлекеттик сапар менен өзбек президенти Шавкат Мирзиёев келгенде айткан.