Мыйзамсыз менчиктештирилген объектилерди аныктоо жана мамлекетке кайтаруу боюнча жүргүзүлүп жаткан иштердин алкагында Чүй облусунун Жайыл районунда 31,5 га жер тилкеси мамлекеттин балансына кайтарылды. Бул тууралуу Улуттук коопсуздук боюнча мамлекеттик комитет (УКМК) билдирди.
Маалыматта айтылгандай, 2007-жылы мамлекеттик органдардын айрым кызмат адамдары өздөрүнүн кызматтык ыйгарым укуктарынан кыянаттык менен пайдаланып, “Буудай” ачык акционердик коомунун жооптуу кызматкерлери менен ич ара сүйлөшүп, жеке баюу максатында аталган коомго тиешелүү болгон жер тилкесин төмөндөтүлгөн нарк менен менчикке чыгарышкандыгы аныкталган.
Аталган топ Чүй облусунун Жайыл районундагы Ак-Башат айылынын аймагында жайгашкан 31,5 гектар жер тилкесин, аэродромдун учуу-конуу тилкесин, химикаттарды сактоочу кампаны жана "Буудай" ишканасына таандык башка курулуштарды 185 миң сомго мыйзамсыз сатышкан.
2024-жылдын 14-августунда жүргүзүлгөн ыкчам-иликтөө иш-чараларынын жыйынтыгында бул мүлктөрдүн болжолдуу базар баасы 470 млн сомду түзгөн.
Тергөөнүн жыйынтыгында аталган жер тилкеси жана башка объектилер мамлекеттин балансына кайтарылды.
Атайын кызмат мыйзамсыз менчиктештирилген объектилерди аныктоо жана мамлекетке кайтаруу боюнча иштерди улантып жатканын кабарлоодо.
Маалыматка караганда, соңку үч жылдан бери ондогон мүлктөрдү мамлекетке жана муниципалдык менчикке кайтарылды. Анын көбү базарлар, автобекеттер жана жер тилкелери.
Башкы прокуратура буга чейин өлкөнүн ар кайсы аймактарында мыйзамсыз менчикке чыгарылып кеткен имараттар, жер тилкелери жана башка объектилер мамлекетке кайтарылганы тууралуу маалыматтарды берген. (ErN)
Дагы караңыз
Кытай-Кыргызстан-Өзбекстан темир жолун куруу боюнча инвестициялык макулдашуу иштелип чыктыОрусияда мигранттарга үй-бүлөсүн алып келүүгө тыюу салуу сунушталдыУлуттук банк Кара-Кыргыз автоном облусунун 100 жылдыгына карата тыйын чыгардыЫсык-Көлдө селдин кесепеттерин жоюу иштери уландыИранда бир күндө сегиз киши дарга асылдыНоокатта курулуп жаткан соода борборго 200 миң сом айып пул салынды