Казакстанда бала бакчадагы жапырт уулануу болгон окуянын чоо-жайы териштирилип жатканын 26-июнда «Азаттыктын» казак кызматы жазды. Окуя 25-июнда Түркистан облусунун Келес районундагы «Уалихан» менчик бала бакчасында катталганы кабарланды.
Эки жаштан беш жашка чейинки курактагы 34 бала ооруканага жеткирилген, алардын үчөө калтырылып, калгандары үйгө чыгарылган.
Облустук саламаттык сактоо мекемесинин маалыматына караганда, эртең мененки тамакка балдар буламык жеген, түшкө маал өзүн начар сезе баштаганда доктур чакырылган.
Үч бала инфекциялык ооруканада дарылануусун улантууда, дарыгерлер алардын абалын туруктуу деп баалап жатышат.
Түркистан облустук Санитардык-эпидемиологиялык көзөмөл департаменти териштирүү жана текшерүү жүргүзүп, балдардын жапырт ууланышынын себебин иликтөөдө.
Полиция департаменти Кылмыш-жаза кодексинин «Санитардык эрежелердин жана гигиеналык нормалардын бузулушу» деген берене менен кылмыш ишин козгоп, териштирүү баштады.
Жалпысынан аталган менчик бала бакчага 130 бала барат. (RK)
Дагы караңыз
Телефонду каттатуу: Коопсуздук жана купуя маалымат Зеленский фронттун кармаш жүрүп жаткан тилкесине барды Гаага: Кылмыш соту Шойгу менен Герасимовду камоо ордерин чыгарды Өзбекстанда "жагымсыз чет элдиктер" мыйзамы төмөнкү палатада жактырылды