Малави өлкөсүндө вице-президент Саулос Чилима бараткан учак кырсыкка кабылып, ичиндеги он адамдын баары набыт болду. Бул тууралуу бүгүн 11-июнда элине жасаган телекайрылуусунда Түштүк-Чыгыш Африка аймагында жайгашкан бул мамлекеттин президенти Лазарус Чаквера билдирди.
Учак дүйшөмбү 10-июнда борбор калаа Лилонгведен учуп чыккандан көп өтпөй байланышка чыкпай калган. Вице-президент баштаган расмий делегация өлкө түндүгүндөгү Мзузу шаарына бараткан, ал жакта аба ырайы начар болуп, туман каптап жаткан.
51 жаштагы Чилима вице-президенттик кызматты 2014-жылдан бери ээлеп келди, ал мурдагы министрлердин биринин зыйнатына бараткан.
17 миллион калкы бар Малави мурда Улуу Британиянын колониясы болчу. Эгемендикке 1964-жылы ээ болгон. Бириккен Улуттар Уюмунун (БУУ) классификациясы боюнча, аз өнүккөн өлкөлөрдүн катарына кирет.
Өткөн айда авиакырсыкта Ирандын президенти Эбархим Раиси каза болгон. (RK)
Дагы караңыз
Ысык-Көл: Дыйкандар картөшкөнүн ордуна кулпунай тигишет Маметов Миң-Кушта сайга кулаган машина уран калдыгын ташып баратканын айтты Уран калдыгын ташыган машине кырсыгы: комиссия жагдайды иликтейтКемпир-Абад иши: Дагы үч шектүүнүн иши өзүнчө өндүрүшкө бөлүндү