Борбордук шайлоо комиссиясы (БШК) Жогорку Кеңештин депутаты Эмилбек Жусуповдун өзү жазган арызынын негизинде депутаттык ыйгарым укуктарын мөөнөтүнөн мурда токтотту. Боршайком мындай чечимди 22-апрелдеги жыйынында кабыл алды.
БШК төрайымынын орун басары Абдыжапар Бекматовдун "Азаттыкка" ырасташынча, анын бошогон мандаты "Ишеним" партиясынын тизмесиндеги кийинки талапкер - Советбек Рустамбек уулуна өткөрүлүп берилди.
Советбек Рустамбек уулу
Жогорку Кеңештин депутаты Эмилбек Жусупов 20-апрелде мандатын тапшыруу арызын жазганы кабарланган.
Буга чейин ондогон үлүшчүлөр парламенттин депутаты Эмилбек Жусупов негиздеген “Эмаком” курулуш компаниясына акча төгүп, батирлерин ала албай жатканын айтып чыгышкан. Депутат азыр ал ишканага тиешеси жок экенин билдирген. “Азаттык” үлүшчүлөрдүн үнүн угуп, “Эмакомдогу” курулуш чырын териштирген.
2023-жылы ноябрь айында “Эмаком” курулуш компаниясынын жетекчиси, Эмилбек Жусуповдун агасы Мелис Жусупов кармалган. Бишкектин Октябрь райондук ички иштер башкармалыгы ага Кылмыш-жаза кодексинин “Алдамчылык” беренеси менен айып тагылганын билдирген. (ZKo)
Дагы караңыз
Британ тышкы иштер министри Кэмерон президент Жапаров менен үч маселени талкуулайт Заманбап кыргыз тарыхчылары жалпы тарых көйгөйлөрүн да иликтеши зарыл Кыргыз күрөшүнүн доору, легендага айланган балбандар Ошто селден улам үйүнө кете албай калган балдар куткарылдыТүркмөнстанда динчил жарандарга көзөмөл күчөдү