Азербайжан, Казакстан, Кыргызстан, Өзбекстан жана Тажикстан биргелешкен аскердик машыгуу өткөрөт. Бул тууралуу Азербайжандын Коргоо министрлиги маалымдап, машыгуу Казакстанда өтөрүн билдирди.
Маалыматка ылайык, 4-апрелде бул өлкөлөрдүн коргоо министрлери Казакстандын Актау шаарында "Биримдик-2024" аскердик машыгуу өткөрүү боюнча жыйынга чогулуп, биргелешкен планга кол коюшту.
Ошондой эле маалыматта быйыл июнда Казакстанда өтүүчү "Оймаша" аскердик окуу полигонунда "Куралдуу жаңжал аймактарын аныктоо багытындагы аскердик окуу тапшырмаларын аткаруу" боюнча машыгуулар өтөрү кабарланган.
Биргелешкен аскердик машыгууга камданып жаткан бул постсоветтик өлкөлөрдүн ичинен Казакстан, Кыргызстан жана Тажикстан Жаматтык коопсуздук кызматташтык уюмуна (ЖККУ) мүчө. Өзбекстан андан чыгып кеткен. Азербайжан уюмга мүчө болгон эмес.
Дагы караңыз
Казакстандагы суу ташкыны: 72 миңден ашуун адам эвакуацияланды“Апрель окуясына калыс баа бериле элек” "Борбор Азия Кытай менен мамилесин бузгусу келбей, уйгурлар көйгөйүн көз жаздымда калтырды"Атамбаев элдин эркиндикке умтулуусу түбөлүк экенин унутпоого чакырдыМексика Эквадор менен дипломатиялык мамилесин токтоторун жарыялады