Шашылыш билдирүү
Кыргызгидромет кызматы билдиргендей, 27-28-март күндөрү абанын температурасынын жогорулашына байланыштуу Кыргызстандын тоолуу райондорунда, Ала-Бука-Каныш-Кыя-Кызыл-Адыр автоунаа жолундагы Чапчыма ашуусунда, Кызыл-Бел-Ак-Таш автоунаа жолунун 0-3-чакырымында, Бишкек-Ош автоунаа жолундагы Төө-Ашуу, Ала-Бел ашууларында, Чычкан капчыгайында кар көчкү түшүүcү жана кар күрткүсү күтүлөт. Жолдор тайгак болуп муз тоңот. Унаалардын ортосундагы 500 метр аралык кыймыл чектелиши зарыл.
28-29-мартта туруксуз аба-ырайына жана нөшөрлүү жаан-чачынга байланыштуу Чүй, Ош жана Жалал-Абад облустарынын тоо этектериндеги райондорунда сел жүрүшү, суу каптоо, дарыяларда суунун деңгээли көтөрүлүшү мүмкүн.
Аба ырайы
28-мартта түнкүсүн Ош, Баткен облустарынын айрым жерлеринде жаан, тоолуу райондорунда кар жаашы мүмкүн, калган аймактарда жаан-чачын жаабайт. Күндүз Чүй, Талас, Ош, Жалал-Абад, Баткен облустарынын көпчүлүк аймактарында, Ысык-Көл, Нарын облустарынын айрым жерлеринде жаан, тоолуу райондорунда кар, Чүй, Жалал-Абад облустарынын айрым жерлеринде жаан-чачын катуу жаайт. Тоолуу райондордо жолдор тоңголок жана тайгак болот.
Батыштан соккон шамалдын ылдамдыгы секундасына 4-9 мерден, 28-мартта күндүз айрым жерлерде 15-20 метрге жетет.
Абанын температурасы:
Чүй өрөөнүндө түнкүсүн 7…12, күндүз 19…24,
Талас жергесинде түнкүсүн 6…11, күндүз 18…23,
Баткен облусунда түнкүсүн 9…14, күндүз 18…23,
Ош, Жалал-Абад аймактарында түнкүсүн 10…15, күндүз 19…24,
Ысык-Көл дубанында түнкүсүн 1…6, күндүз 12…17,
Нарын облусунда түнкүсүн -1…+4, күндүз 12…17,
Бишкекте түнкүсүн жана күндүз жаан-чачын күтүлбөйт, кечке жакын бир аз жаан жаашы мүмкүн. Батыштан соккон шамалдын ылдамдыгы секундасына 4-9 метрден айрым жерлерде 14 метрге чейин жетет. Абанын температурасы түнкүсүн 10...12, күндүз 21...23 градус жылуу болот.