Газа секторунун түндүк аймагында бүгүн 15-мартта жума намазынан кийин бир нече жарылуу болгонун The Associated Press маалымат агенттиги билдирди. Жергиликтүү саламаттык сактоо мекемеси жарылуу гуманитардык жардамды таратуу бекетинин жанында катталганын билдирди жана бул чабуулдар үчүн Израилди айыптады.
Мекеменин маалыматына караганда, 20 киши каза болду, 155 киши жараат алды.
Израилдик аскерлер айыптоолорду «жалган» деп аташты.
Израил аскердик операциясын былтыр 7-октябрда ХАМАС тобу (АКШда жана Европа Биримдигинде террордук деп таанылган) Газа секторунан кол салып, 1200 кишини, анын ичинде аялдарды, улгайган адамдарды жана балдарды өлтүрүп, 250дөй адамды Газага барымтага алып кеткенде баштаган.
Газанын ХАМАС көзөмөлдөгөн саламаттык сактоо мекемеси ошондон бери сектордо 31 миңден ашуун палестиналык жай тургун, арасында аялдар жана балдар набыт кеткенин билдирүүдө.
АКШ, Катар жана Египет аркылуу бир нече аптадан бери жүрүп келаткан сүйлөшүүлөрдөн майнап чыга элек. Алар Рамазан айы учурунда атышууну убактылуу токтотууга жетишүү аракетин көрүшкөн.
Израилдин коргоо министри Йоав Галлант соңку билдирүүсүндө израил аскерлери ХАМАСты жок кылыш үчүн бардык жерге жетерин билдирди. (RK)
Дагы караңыз
Столтенберг украиндердин кайраты эмес, курал-жарагы түгөнүп баратканын айттыБазарбеков ишти мыйзамсыз тергегендердин жоопкерчилигин көтөрдүОрусиянын Белгород облусунда чабуулдар уланды “Кыргызгаздын” “Газпромго” өткөнүнө 10 жыл: Убада канчалык аткарылды?