Жалал-Абад милициясы жүргүнчүнү зордуктоого жана сүзүп кетүүгө шектүү айдоочу кармалганын маалымдады. Облустагы жол кыймылынын коопсуздугун камсыздоо бөлүмүнүн басма сөз кызматы билдиргендей, милицияга 34 жаштагы жаран кайрылып, өзүн белгисиз бирөөлөр зордуктоого аракеттенишкенин жана автоунаа менен коюп кетишкенин айткан.
Маалыматка ылайык, окуя 23-февралда болжол менен саат 01:30 чамасында Жалал-Абад шаарында болгон. 1989-жылы туулган аялды белгисиз жарандар "жеткирип коебуз" деп машинеге салып кетишкен. Жолдо унаадагы адамдар аны зордуктоого аракеттенип, каршылык кылганда жолго калтырып, андан кийин унаа менен эки жолу сүзүп кетип калышкан. Бул окуядан соң жабырлануучу ооруканага жана милицияга кайрылган.
Арыздын негизинде Жалал-Абад шаардык милициясы ыкчам издөө иш-аракеттерин жүргүзүп, шектүү катары “Субару” автоунаасынын ээсин кармашкан. Машина айып токтотмосуна киргизилип, айдоочу милициянын убактылуу кармоочу жайына камалды. Иликтөө иштери жүрүп жатат. (TB)
Дагы караңыз
Замирбек Базарбеков “кызматтан кетет” деген маалыматты четке кактыБир аптада 400дөн ашуун мас айдоочу кармалдыКандуу тизме. Кремль менен тирешип, өмүрү кыйылгандар"Төшөнчү жыртык, ажаткана сыртта". Балдар интернатындагы кыйнооЗеленский: согушта 31 миң украин аскери набыт болду