Бишкекте 23-25-январда Ирандын кино күнү өтөт. Иш-чараны Кыргызстандын Кинематография департаменти Ирандын Бишкектеги элчилигинин колдоосу менен уюштурууда.
Анда Ирандын 2017-2022-жылдары тартылган беш тасмасы көрүүчүлөрдүн назарына коюлат. Түрдүү жанрдагы тасмалардын арасында дүйнөлүк кинофестивалдарда байгелүү орундарга жетишкендери да бар.
Иш-чара 23-январда, саат 14:00дө "Манас" кинотеатрында расмий түрдө ачылып, "Үмүт периштеси" деп аталган тасма менен коштолот.
Бардык фильмдер орус тилинде көрсөтүлөт.
