АКШ өкмөтү 119 өзбекстандык жаранды мекенине кайтарганын 21-декабрда Өзбекстандын Тышкы эмгек миграциясы агенттиги билдирди. Мекеменин маалыматына караганда, Ташкентке жеткирилген бул жарандар Кошмо Штаттарга түрдүү мыйзамсыз жолдор, көбүнчө Мексика аркылуу барышкан.
Кайтарылгандардын бири АКШга 3-сентябрда Мексиканын аймагы аркылуу кирип барганын, ошондон бери камакта отурганын, чек арадан өтүү үчүн бир ай убактысы кеткенин, Кошмо Штаттарга жеткирүүнү убада кылган кишилерге 5 миң доллар төлөгөнүн айтып берди.
13-октябрда Fox News телеканалы соңку эки жылда АКШнын аймагына мыйзамсыз кирген чет өлкөлүктөр арасында Өзбекстандын жарандары үчүнчү орунда турарын Чек ара кызматынын расмий маалыматына таянып кабарлаган. Анда айтылгандай, эки жылда АКШга мыйзамсыз жолдор аркылуу кирүүгө аракет кылган өзбекстандыктар 13 624кө жеткен.
Ноябрь айынын соңунда АКШнын Өзбекстандагы элчилиги Мексика аркылуу мыйзамсыз барган өзбек жарандарын өлкөгө киргизбей турганын, алар иммиграциялык иши каралып бүткөнчө камакта кармалып турарын маалымдаган. (RK)
Дагы караңыз
“Вакуф негиздери жөнүндө” мыйзам долбоорунун аталышы сынга кабылдыАКШ орус мунайын импорттоо талаптарын катаалдаттыӨкмөт мамлекеттик кызматкерлерге ККМ чек чогултуу тапшырмасы берилгенин ырастады"Спектакль жана маскарапоз шоусу". Путин бешинчи президенттик мөөнөткө баратат