Ысык-Көлгө май төгүлгөн окуяга байланыштуу бир моторлуу кайыктын ээсине 10 миң сом айып пул салынды. Бул тууралуу Жаратылыш ресурстары, экология жана техникалык көзөмөл министрлигинин аталган облустагы башкармалыгын жетекчиси Максат Кыштобаев билдирди. Анын айтымында, учурда мындай көрүнүштөрдүн алдын алуу чаралары күчөтүлдү.
"Биздин кызматкерлер химиялык анализ чыгаруу үчүн суунун, кумдун, топурактын үлгүлөрүн алышты. Анын жыйынтыгы тууралуу кошумча маалымат беребиз. Текшерүүдө майы аккан скутер аныкталып, анын ээсине айып пул салынды. Бизде облус боюнча 15 кызматкер бар, учурда алар үч топко бөлүнүп, май төгүлүшү ыктымал деген жерлерге барып түшүндүрүү иштерин жүргүзүп жатышат", - деди Кыштообаев.
Мунун алдында социалдык тармактар көлдүн үстүнө май калкып калганын тартылган сүрөттөр жарыяланган жана бул талаш-талкуу жараткан. Көлдө коопсуздуктан дагы улам скутерлерге тыюу салуу сунушу маал-маалы менен көтөрүлүп келет.
Өткөн айда Чолпон-Ата шаарында жайгашкан эс алуучу жайлардын биринде суу оюн-зоок кызматын көрсөткөн моторлуу кайыктын айдоочусу көлдүн үстүндө жүргөн “таблетка” баллонун сүйрөтүп бара жатып, “таблетка” теплоходго урунган. Андан үч адам денесинен жаракат алып, эки киши 24-июлда мерт болгон.
Ысык-Көлдө сууга түшүп жаткан эс алуучулар скутердин айынан кырсыктаган окуялар буга чейин да болгон.
Дагы караңыз
Кыргыз-кытай чек арасы: өткөрмө бекеттеринин иши убактылуу өзгөрөтНигер: козголоңчулар кийлигишүүдөн чочулап аба мейкиндигин жапты Жидда: Украинага тынчтык орнотуу жаатында кеңешүү уланат Куляб: жүк ташуучу машина үйлөрдү, унааларды сүзүп, 14 адам мерт болду Акжол Махмудов Сербиядагы эл аралык турнирде алтын медаль алды Крымды материк менен туташтырып турган эки көпүрө аткыланды