Башкы прокуратуранын басма сөз кызматы Ош шаарынын түндүк тарабынан айланып өтүүчү “Ош айланма” автожолунун беш чакырымына (“Т түрүндөгү” кесилиштен тартып Ош-Кара-Суу автожолуна чейин) асфальт төшөөдө коррупция аныкталганын билдирди.
Жыйынтыгында мамлекетке 2 млн. 683 миң сом зыян келтирилген.
Мекеме бул факты боюнча Ош облусунун прокуратурасы Кылмыш-жаза кодексинин “Кызмат абалынан кыянаттык менен пайдалануу”, “Ишенип берилген мүлктү ыйгарып алуу же коротуу” жана “Кызматтагы жасалмалоо” беренелери менен иш козгоду.
Тергөөнүн жүрүшүндө №21 жол тейлөө ишканасынын башкы инженери (М.М.) кармалды.
Маалыматка ылайык, Транспорт жана коммуникациялар министрлигинин жана дагы бир жеке ишкананын кызматкерлери 2021 жана 2023-жылы аткарылбаган иштерди бүттү деп кабыл алганы жана төшөлгөн асфальтты жогору баада көрсөткөнү аныкталган. Иш сапатсыз аткарылгандыктан, айрым жерлердеги жолго төшөлгөн катмар бузулуп калган. (BTo)
Дагы караңыз
Ереван Лачын коридоруна кирүү жөнүндөгү суроосуна Москва жооп бербей жатканын билдирди “Эркечтамда” Кыргызстандан Кытайга көмүр ташуу жеңилдейт Москванын мэри дрон менен чабуул коюу аракети болгонун билдирдиИИМ тергөөнү жакшыртуу үчүн 100гө жакын кызматкер алатТүркмөн бийлиги калкын чет өлкөлүк медиаларды окубоого чакырды