Ташкентте көп кабаттуу үйдө лифт үзүлүп, 11 киши жаракат алды

Иллюстрациялык сүрөт.

Ташкенттеги көп кабаттуу үйлөрдүн биринде жүк ташуучу лифт үзүлүп, 11 киши жараат алды. Бул тууралуу 19-июнда Өзбекстандын Өзгөчө кырдаалдар министрлиги билдирди.

Кырсык 18-июнда саат 16:15те Янгихаят районундагы көп кабаттуу үйдө болгон.

Болжолдуу маалыматтарга ылайык, адамдар түшүп бараткан лифт техникалык мүчүлүштүктөрдөн улам ылдамдыгын кескин тездетип, биринчи кабатка жеткенде автоматтык түрдө авариялык токтотуу системасы иштеп кеткен. Өз кезегинде бул адамдарды оор жаракаттардан сактап калган.

Кырсыктан улам 11 киши жаракат алып, ооруканага жеткирилген. Медициналык текшерүүдөн кийин алардын сегизи үйлөрүнө кое берилип, калганы дарыгерлердин көзөмөлүндө калган.

Учурда укук коргоо жана прокуратура органдарынын өкүлдөрү кырсыктын себептерин тактоо иштерин жүргүзүүдө.

Дагы караңыз

КУУнун Жекшеналиевдин окуусун улантышына каршы арызы сотто карала баштады Кыргызстанга Германиянын президенти расмий сапар менен келетКарындашын коргоп, ок чыгарган деп шек саналган кишиге сот өкүмү чыктыӨзбекстан октябрдан тарта Казакстан аркылуу орус газын ала баштайт