Президент Садыр Жапаров Кыргызстандын жарандыгына кабыл алуу жана Кыргызстандын жарандыгынан чыгуу жөнүндө жарлыктарга кол койду. Президенттин басма сөз кызматы кыргыз жарандыгын алгандардын көбү тарыхый мекенине кайтып келген этникалык кыргыздар экенин билдирди.
31-мартта кол коюлган жарлыктарга ылайык, 1704 киши жарандык алып, 46 адам жарандыктан чыкты.
2022-жылы президент Садыр Жапаровдун 24 жарлыгы менен 6 316 адам кыргыз жарандыгын алып, 646сы чыгып кеткен.
“Азаттык” 2022-жылдын 31-декабрында чыккан №417 жарлык менен Орусияда таанымал болгон ондогон саясатчы, мамлекеттик кызматкер жана ишкерлер Кыргызстандын жарандыгын алганын аныктаган.
26-мартта The Moscow Times басылмасы Садыр Жапаровдун 2022-жылдын 31-декабрындагы №359 жарлыгы менен да Орусиянын бир катар белгилүү адамдарына кыргыз жарандыгы берилгенин жазган. (BTo)
Дагы караңыз
Раматов: Жер мунапысын алуу үчүн 93 миң арыз түштү"Талибан" менен Тегеран ооган абактарындагы ирандыктарды бошотууну талкуулаштыКылмышка айыпталып жаткан Трамп шейшембиде Нью-Йорк сотуна баратЖазуучу Олег Бондаренко дүйнөдөн кайттыНАСА Айга уча турган экспедиция мүчөлөрүнүн аты-жөнүн жарыяладыКыргыз-кытай чек арасы: кезек күткөн автоунаалар 600гө чукулдады