Кошмо штаттардын Космос агенттиги – НАСА Айга жөнөй турган экспедициянын мүчөлөрүн тааныштырды. Жердин жандоочусуна пилоттолгон миссия 50 жыл тыныгуудан кийин аткарылганы жатат. Ошентип, Кристина Кох учууга катыша турган алгачкы аял-астронавт, Виктор Гловер – биринчи афроамерикалык болуп калмакчы.
Алардан тышкары экспедицияга Рид Уайзман жана Жереми Хансен барат деп күтүлүүдө.
"Артемида 2" миссиясы 2024-жылдын аягына же 2025-жылдын башына пландалып жатат. Бирок анын жүрүшүндө астронавттар Айга конбойт.
Экипаж менен 3-апрелде Хьюстондогу салтанатта тааныштырышты. Эми алар даярдыктан өтүп, машыгууларды баштайт.
НАСА буга чейин космос миссияларына ар кайсы социалдык жана этникалык катмарлардын өкүлдөрүн камтууга убада берген.
15-мартта Техастагы космос борборунда НАСА Айга уча турган астронавттар үчүн жасалган скафандрларын сунуш кылган.
Акыркы жолу адам баласы 1972-жылы "Аполлон-17" кемеси менен Айга учкан.
