Кыргызстандын Жазуучулар союзу бүгүн 16-январда "Жылдын мыкты китеби" сыйлыгын тапшырды.
Бишкекте өткөн атайын салтанатта мыкты деп табылган авторлорго диплом менен атайын статуэтка тапшырылды.
Атайын комиссиянын чечими менен 2022-жылы чыккан китептердин ичинен үч жанрда үч автордун китеби татыктуу деп табылган.
Проза жанрында Топчугүл Шайдуллаеванын "Балакана", поэзия жанрында Кубат Оторбаевдин "Гүлдөр күтөт" жана балдар адабияты боюнча Байтемир Асаналиевдин "Балдан ширин балалык" китептери мыкты аталды.
Кыргыз Республикасынын эл жазуучусу, профессор Сулайман Рысбаевдин маалыматы боюнча, өткөн жылы өлкөдө 400дөй ар түрдүү жанрдагы китеп чыкты. Алардын үчтөн бири адабият жаатында, калгандары мотивациялык, өмүр баянга арналган жана диний багыттагы китептер.
Дагы караңыз
Днепрде Орусиянын соккусунан кырктай киши мерт болдуДавосто экономикалык форумга Орусиянын өкүлдөрү катышкан жокУкраина Орусиянын айрым чабуулдарынын мизин кайтарганын жарыялады Өспүрүм кыздын зордукталышы: Өкүмдүн жумшарган себеби айтылды