Кыргызстандагы Бириккен Улуттар Уюмунун (БУУ) өлкөлөр тобу гендердик зомбулукка каршы 16 күндүк өнөктүктүн алкагында кайрылуу таратты. Анда аталган топ "ар бир адамды, коомду зомбулуктун бул пандемиясына каршы биригүүгө жана өлкөдө күчтүү аялдардын лидерлик салттарын сактоо менен аялдардын жана кыздардын ролун күчөтүүгө чакырат" деп жазылган.
Кайрылууда "аялдарга жана кыздарга карата зомбулукту токтотуу үчүн күчтүү улуттук иш-аракеттердин планы керектиги, зордук-зомбулукту четке каккан күчтүү коомдук кампаниялар, зомбулуктан жапа чеккендерди коргоону жана адилеттүүлүккө жетүүнү жакшыртуу зарылдыгы, бардык деңгээлдеги чечимдерди кабыл алууга аялдарды көбүрөөк тартуу муктаждыгы" белгиленген.
Кыргызстанда 25-ноябрдан 10-декабрга чейин гендердик зомбулукка каршы 16 күндүк өнөктүк өттү.
Ички иштер министрлигинин билдиришинче, соңку эки жылда Кыргызстанда үй-бүлөлүк зомбулуктан 20 аял каза болду, жыл сайын орто эсеп менен 10 миңдей аял үйүндө зомбулукка кабылат.
БУУнун Өнүктүрүү программасы зомбулуктун бул түрүнө байланыштуу козголгон кылмыш иштеринин 90% түрдүү себептерден улам сотко жетпей жабылып калып жатканын эскерткен.
Дагы караңыз
ЖКнын басма сөз кызматы Садыбакасованын депутат тууралуу сынына жооп бердиТүштүк Корея ЖКны санариптештирүү үчүн 200 миң долларлык жабдуу берет Беларус: оппозиционерлерди жактаган адвокаттар лицензиядан ажыратылды Ноокен: өкмөт өкүлдөрү төрт баласы майып үй-бүлөдөн кабар ала элек Түркмөн телеканалы кечирим сураган "паракор" аткаминерлерди көрсөттү Латвия Алексей Коростелёвду "кара тизмеге" киргиздиМосква: кыргыз жарандарын медициналык кароодон өткөрүү маселелери талкууланды