14-июндан бери дайынсыз болуп жаткан 16 жаштагы кыз Ноокат районунан табылды. 26-июлда интернетте белгисиз эки адам жашы болжол менен 15-16 жаштагы кызды коркутуп, он миң сом акчаны кайда коротконун сурап, кызга кол көтөрүп жаткан видео тараган.
Баткен облустук ички иштер башкармалыгынын маалыматы боюнча териштирип, иликтөөлөр аркасында видеодогу кыз Кызыл-Кыя шаарынын тургуну экени аныкталды.
Үйүнө барып сураганда апасы 14-июнь күнү 05.00 чамасында 2005-жылы туулган С.Г. аттуу кызы үйдөн чыгып кеткен бойдон табылбай жатканын айткан, ал бул боюнча милицияга арыз менен кайрылган.
"Факт Кызыл-Кыя шаардык милициясында катталып, издөөгө алынган кыз Ош облусунун Ноокат районунан табылып, апасына эсен-соо өткөрүлүп берилди", - деп айтылат маалыматта.
Кыргызстанда акыркы жылдарда кыздарга жана аялдарга зордук-зомбулук күчөп жатканы белгиленип келет. 38 бейөкмөт уюмдун өкүлдөрү президентке кайрылып, бул маселеге олуттуу көңүл бурууну талап кылышууда. (JzA/KO)
Дагы караңыз
Молдовада өзгөчө абал дагы эки айга узартылдыДонецкидеги жикчилдер ракеталык соккудан туткундагы 40 украин аскери өлгөнүн маалымдадыТИМ: Москвада өрттөн каза болгондор арасында кыргыз жарандары жок