Мамлекеттик салык кызматы көзөмөл-кассалык аппараттардын (ККМ) чеги аркылуу ойнотулган лотереянын эки байгесин жокко чыгарды. Комиссия iPhone 13 жана микротолкундуу меш утуп алган байге ээлери лотереянын талаптарын бузушкан деп тапты. Бул тууралуу мекеменин басма сөз кызматы маалымдады.
Алардын бири ишкананын бухгалтери болуп иштегени, ал мекеменин ККМ чектерин сканерлеп 3 билети тең байгелүү болуп чыкканы аныкталган. Анын эки утушу жокко чыгарылды. Ал эми экинчи жаран мөөнөтү өтүп кеткен документ менен катталган. Салык кызматы жарандарды лотерея мыйзамдарын бузбоого чакырат.
Салык кызматы "Чек талап кылып, байге утуп ал!" лотереясынын биринчи жеңүүчүлөрүн 1-июлда аныктаган. Анда эки автоунаа жана телефон сыяктуу үй буюмдары ойнотулган.
Министрлер кабинети көзөмөл-кассалык аппараттарды (ККМ) колдонууну жайылтуу максатында 10-майдан тартып кассалык чектер менен лотерея ойнотуларын, баалуу сыйлыктар берилерин жарыялап келет. Кыргызстанда бир катар соодагерлер ККМнын киргизилишине каршы чыгууда. (TSh)
Дагы караңыз
Орус оппозиционери Илья Яшинге кылмыш иши козголдуУлуттук банк ишкерлер менен банктардагы көйгөйдү талкууладыБайден Израиль менен Сауд Арабиясына жөнөдүЖаңы окуу жылына карата миңге чукул мектептин директору алмашатЖК: Эсептөө палатасы менен Улуттук банк тармактык комитетте отчет берет Орусиячыл жикчилдер ээлеп турган Луганск шаарына сокку урулду