Орус армиясы түн ичинде Украинанын Змеиный аралына чабуул койгонун маалымдады. Коргоо министрлигинин басма сөз катчысы Игорь Конашенков ал жерге желек илүүгө аракеттенген украин аскерлеринин бир бөлүгү “жок кылынганын” билдирди.
Одесса облусунун администрация башчысы Сергей Братчук сокку тууралуу маалыматты тастыктап, бирок кандай чыгымга алып келгенин айткан жок.
Кара деңиздин түндүк-батыш тарабындагы Змеиныйды орус аскерлери согуш башталган 24-февралда басып алып, 30-июнда украин артиллериясынын катуу бомбалоосунан кийин ал жактан чегинүүгө аргасыз болгон. Одесса портуна жакын болгондуктан аралча стратегиялык мааниге ээ.
7-июлда украиналык үч жоокердин аралга мамлекеттик желекти илип жатканы тартылган видео расмий Телеграм каналдарга тараган. Тасма качан тартылганы белгисиз.
Дагы караңыз
Милиция тышкы карызга байланышкан иш боюнча билдирүү таратты"Саясаттын айынан артта калдык". Өкмөт электрондук сооданы эстедиТокаев мунай ташуунун Орусияны кыйгап өткөн жолдорун өнүктүрүүнү тапшырдыЛитвалыктар акча топтоп алып берген дрон Украинага жөнөтүлдүУкраин күчтөрү бир канча багытта алдыга жылып жатат