Орусия жана Кытай мамлекеттеринин Кыргызстандагы элчиликтерине бомба коюлганы жөнүндө маалымат тастыкталган жок. Бул тууралуу Бишкек шаардык милициясынан кабарлады.
Учурда элчиликтерде жардыруучу зат коюлганын маалымдаган киши изделип жатат.
5-июлда эртең менен саат 10:45 чамасында 102 кызматына Орусия жана Кытай элчиликтеринин имараттарында бомба коюлганы тууралуу маалымат түшкөн. Милиция жеринде тийиштүү ыкчам-иш аракеттерин кылышты.
Кыргызстанда айрыкча Бишкек шаарында ар кандай соода борборлорунда бомба коюлганы жөнүндө маалымат маал-маалы менен катталат.
Милиция мындай "телефон террорчулар" кылмыш жоопкерчилигине тартыларын, сотто күнөөсү аныкталса, үч жылга чейин эркинен ажыратылышы мүмкүн экенин билдирип келет. (TSh)
Дагы караңыз
Милиция Бишкекте "уурдалды" деген кыз табылганын маалымдады Казакстан "Жибек Жолу" кемесин ижарага алган орус компаниясы менен келишимди үзүшү мүмкүнЗеленский украин күчтөрү Орусиянын мизин кайтарууга даяр экенин билдирди6-июлдун аба ырайы