Бул тууралуу 26-майда Ош облустук ички иштер башкармалыгынын басма сөз кызматынын өкүлү Нурпери Абдуллаева "Азаттык" радиосуна билдирди.
Маалыматка ылайык, блогерге карата көрсөтүлгөн кылмыш курамдары боюнча айыбы угузулуп, иш Ош шаардык сотуна жөнөтүлдү.
Жолболдуева Галымбетованын өлүмүнө шек саналып кармалып, камакта отурат. Ага Кылмыш-жаза кодексинин "Этиятсыздыктан өлүмгө алып келүү”, "Жеке жашоонун кол тийбестигин бузуу”, “Документтерди жасалмалоо” жана “Бейбаштык” беренелери менен төрт кылмыш иши козголгон.
Ош шаардык соту 21-апрелде аны 26-майга чейин камакта калтыруу тууралуу чечим чыгарган. 25-майда сот карап камакта кармоо мөөнөтүн эки айга узарткан.
37 жаштагы Галымбетованын сөөгү 26-мартта Баткен шаарында жерге берилген. Жакындарынын айтымында, ал 25-март күнү кечке жуук өзүн жаман сезип ооруканага түшүп, эсине келбей каза болгон.
Ютубда 49 миңден ашуун катталуучусу бар ”Батма-бат” каналынын автору Жолболдуева Баткендеги ашкана-дүкөндөрдүн тазалыгын, товарлардын сактоо мөөнөтүн текшерген видеолорун жарыялап турган. Ал өзүнүн социалдык баракчалары аркылуу Баткендеги жергиликтүү бийликтин иштерин сынга алып келген.(AAb\JsA)
Дагы караңыз
SuperTV телеканалынын кызматкерлерине Жогорку Кеңешке кирүүгө уруксат берилдиОкуучу кызды сабаган мугалим жумуштан кетүү тууралуу арыз жаздыУКМК: Жумгал райондук соттун судьясына кылмыш иши козголду