Бишкектин Биринчи май райондук ички иштер башкармалыгынын басма сөз кызматы Next TV телеканалынын кызматкери Адилет Али Мыктыбек 11-апрелде суракка алынганын ырастап, бирок кайсыл иш боюнча суралганын тактаган жок. Райондук милиция Адилет Али Мыктыбектин катышуусу менен тергөө амалдары жүрүп, кайра да суракка келүү уабадасы менен коё берилгенин билдирди.
Адилет Али Мыктыбек 11-апрелде Бишкектин Биринчи май райондук ички иштер башкармалыгында күбө катары сурак берип чыккан. Ал Кылмыш-жаза кодексинин “Массалык башаламандыктар” беренеси менен козголгон кылмыш иши боюнча суралганын айтты.
Ал акыркы убактарда Фейсбуктагы баракчасынан Бишкекте өткөн ар кандай митинг, акцияларды түз эфирде көрсөтүп жаткан. Суракта Next TV телеканалы боюнча да суроолор берилгенин билдирди.
2-мартта Казакстандын Улуттук коопсуздук комитетинин мурдагы башчысы Алнур Мусаев Фейсбуктагы баракчасына Кыргызстан менен Тажикстан Орусияга аскердик жардам көрсөтүүгө даяр экенин билдиришкенин жазган. Аны Next TV социалдык тармактагы баракчасына жарыялаган.
Дагы караңыз
ЖК: "баарына каршы" добуш берүүгө үгүттөө каралган долбоор талкууланды Алтайдан Таласка 35 марал алып келинет“Ысык-Көл” мейманканасынын карызын төлөөгө 42,5 миллион сом бөлүнөтХоккей федерациясынын жетекчисин шайлоого нааразылык чыкты Кытай-Кыргызстан-Өзбекстан темир жолун куруу боюнча сүйлөшүү уланууда Орусия күчтөрү Украинанын чыгышында топтолууда3-мартта Кыргызстандын Коргоо министрлиги бул маалыматты четке кагып, ушул эле күнү Улуттук коопсуздук комитет (УКМК) Next TV телеканалына карата Жазык кодексинин “Расалык, этностук, улуттук, диний же региондор аралык кастыкты (араздашууну) козутуу” беренеси менен кылмыш ишин козгогон. Телеканалдын кеңсеси жабылган.
5-мартта телеканалдын директору Таалай Дүйшөмбиев эки айга камакка алынып, иш боюнча каналдын бардык кызматкерлери УКМКда сурак берип чыкты.
Бишкектин Биринчи май райондук соту 29-мартта Башкы прокуратуранын Next TV телеканалы тууралуу өтүнүчүн жарым-жартылай канааттандырган. Ага ылайык, сот каналдын социалдык түйүндөрдөгү баракчасына жарыяланган маалыматты экстремисттик деп тапкан, телеканалдын ишин токтотуу, анын продукциясын башка булактарга жарыялоого тыюу салуу өтүнүчүн четке каккан.
Медиа коомчулук телеканалдын жабылышын сөз эркиндигине кысым катары баалап жатат. Президенттин басма сөз катчысы Эрбол Султанбаев жалган маалыматты таратууда этият болуп, эрежелерди сактоо керектигин билдирген эле. (BTo)