Украинанын президенти Владимир Зеленский өзгөчө кырдаал маалында аскердик маалыматты жайылтууну чектеген мыйзамга кол койду. Ага ылайык, украин аскерлеринин жана аскердик техникаларынын кыймыл-аракеттерин, атышуу болгон аймакты, көчөлөрдүн, дүкөндөрдүн, завод-фабрикалардын жана башка жарандык мекемелердин аталыштарын тартып, жайылтууга болбойт.
Мыйзамды бузгандар 12 жылга чейин эркинен ажыратылышы мүмкүн. Ошондой эле Украинага түшкөн чет элдик аскердик жардамдын каякка жеткирилгени тууралуу маалыматты жарыялоого тыюу салынат.
Мындай маалыматтарды бир гана Коргоо министрлиги жана Башкы штаб тарката алат.
Бул кадам украин армиясы тууралуу конфиденциалдуу маалыматтын Интернетке жайылышын ооздуктоо үчүн кабыл алынганы кабарланды.
21-мартта Украинанын Коопсуздук кызматы Киевдеги куралдуу күчтөрдүн позициясын чагылдырган видеону «Тик-Токко» жайгаштырган адамды кармаганын билдирген. Мындан көп өтпөй Орусия кошуна имаратка сокку уруп, сегиз киши мүрт кеткен.
Азырынча Коопсуздук кызматы кармалган киши кандай максат менен бул маалыматты жарыялаганын теришитирип жатат.
Дагы караңыз
Президент жана өкмөт өлкөдөгү социалдык-экономикалык абалды талкуулаштыАтамбаев президент Жапаровго сот иштеринин жүрүшү боюнча жооп берди БУУ талибдердин окуучу кыздар боюнча чечимине тынчсызданды “Оскар-2022”: Уилл Смиттин биринчи сыйлыгы