Улуттук тарых музейде 2002-жылы Аксы окуясында жана 2010-жылы Апрель окуясында курман болгондордун элесине арналган фото-документалдык көргөзмө ачылып, ага Министрлер кабинетинин мүчөлөрү катышты. Бул тууралуу Маданият, маалымат, спорт жана жаштар саясаты министрлигинин басма сөз кызматы кабарлады.
17-мартта ачылган көргөзмөгө окуя учурунда тартылып калган сүрөттөр жана архивдик документтер коюлган.
2002-жылдын 17-мартында Аксыда бийликке каршы чыккан элге ок атылып, алты киши курман болгон. Бир нече киши жаракат алган.
Көргөзмөгө коюлган фото.
Нааразы болгон эл мурдагы президент Аскар Акаевге импичмент жарыялоо боюнча демилге көтөргөндөн кийин камакка алынган депутат Азимбек Бекназаровду бошотуу жана Үзөңгү-Куушту Кытайга бербөө тууралуу талаптар менен чыгышкан.
2010-жылы ошол кездеги президент Курманбек Бакиевдин үй-бүлөлүк башкаруу режимине каршы демонстрациялар 7-апрелде аяктап, Бакиев бийликтен кулатылган. Нааразы болуп чыккандарга ок атылып, 87 киши набыт болуп, миңден ашуун адам жаракат алган. Курманбек Бакиев үй-бүлөсү, жакындары менен чет мамлекетке качып, Беларустан башпаанек тапкан. (BTo)
Дагы караңыз
COVID-19: Бир бейтап каза болуп, вирус 13 кишиден жаңы аныкталдыЕвропа Кеңеши Орусияны уюмдан толук чыгардыЗеленский Украинанын аба мейкиндигин жабууну кайрадан сурандыМедициналык окуу жайлардагы студенттердин 77% чет элдиктер түзөтКазакбаев Кыргызстан орус-украин сүйлөшүүсүнө аянтча түзүүгө даяр экенин айтты Акыйкатчы институту Бишкекте акция өткөрүүгө тыюу салынышын сындады