Жогорку Кеңеш Кыргызстандын акыйкатчысы (омбудсмен) кызматына Атыр Абдрахматованын талапкерлигин жактырды. Бул кызматка Турсунбек Акун, Маматурайым Момунов жана Бакытбек Узенбаев да көрсөтүлгөн.
Парламенттин 2-марттагы жыйынында депутаттар көпчүлүк добуш менен Абдрахматованы тандашты. Добуш берүү жашыруун жүргүзүлүп, жыйынтыгы төмөнкүчө болду:
- Атыр Абдрахматова -50;
- Маматурайым Момунов - 9;
- Бакытбек Узенбаев - 13;
- Турсунбек Акун - 2;
- Баарына каршы - 3.
Ушул эле күнү Абдрахматова акыйкатчы катары ант берди
Кыргызстандын акыйкатчысы кызматы 2021-жылдын октябрь айынан бери бош турат. Мурдагы омбудсмен Токон Мамытов парламенттик шайлоого катышкандыгына байланыштуу кызматын тапшырган.
41 жаштагы Атыр Абдрахматова буга чейин Борбордук шайлоо комиссиясынын мүчөсү болгон. 2021-жылдагы парламенттик шайлооо Жети-Өгүз районунан бир мандаттуу округдан ат салышкан.
Дагы караңыз
Депутат Шакиев Орусиянын каналдарын каржылоону токтотууну сунуштадыДепутат Айдарбеков Эл аралык комитеттин төрагасы болуп шайландыӨмүрзаков: Украинадагы кырдаалдан улам даниялык өнөктөштөр келишимди үздү