Жогорку Кеңештин депутаты Нурлан Шакиев Орусиянын "Биринчи канал" жана РТР телеканалдарына Кыргызстандын бюджетинен акча төлөөнү токтотууга чакырды. Мындай сунушун 2-мартта парламенттин жыйынында билдирди:
"Орусиянын эки телекомпаниясын өчүрүш керек. Аны токтотуп, жергиликтүү телеканалдарды өнүктүрүүгө шарт түзүү керек", - деди депутат.
Шакиев балдар көрүп жаткан мультфильмдердин баары орусча экенин белгилеп, тасмаларды кыргызчалоону кошумчалады.
2020-жылдагы маалыматка ылайык, Орусиянын эки каналын Кыргызстанда көрсөтүш үчүн бюджеттен 50 миллион сом төлөнөт.
