Ички иштер министрлиги Баңгизаттарды мыйзамсыз жүгүртүүгө каршы күрөшүү башкармалыгынын кызматкерлери Токтогул райондук милициясы менен биргеликте Ош-Бишкек жолунда 2 килограмм 788 грамм баңгизат алып бараткан жаранды кармаганын билдирди.
Маалыматта 25 жаштагы шектүү буга чейин каракчылык үчүн соттолгону айтылат.
“Аны тинтүү учурунда ооган чарасына (баңгизат), кара куурайга окшош өзгөчө кескин жыты бар зат табылган. Баштыгынан “гашиш” жыттанган кочкул-жашыл түстөгү 30 таңгактагы зат табылды”-деп жазылган анда.
Кармалган адам убактылуу кармоочу жайга киргизилип, тергөө жүрүп жатканы кабарланды.
Расмий маалыматка караганда, өткөн жылдын 11 айында Кыргызстанда үч жарым тоннадан ашык баңгизат, психотроптук заттар алынган.
Эл аралык уюмдардын билдирүүсүндө, Борбор Азиядагы Тажикстан, Кыргызстан, Өзбекстан жана Казакстан аркылуу Ооганстандан жыл сайын тонналаган баңгизат Орусия менен Европа өлкөлөрүнө жеткирилет. (JsA)
Дагы караңыз
Кыргызстанда акыркы 15 жылда ымыркайлардын өлүмү 40% кыскардыТүндүк Корея январда алтынчы ирет баллистикалык ракета сынадыГерманияда орусиялык илимпоз тыңчылыкка айыпталып кармалды"Ата-Журт Кыргызстан" Ташиевдин мандатына байланыштуу чечим кабыл алды"Хабар" телеканалы кармалгандардын катарында "Йакын Инкардын" мүчөлөрү көп экенин кабарлады