Германиянын федералдык полициясы билдиргендей, быйыл Польша жана Беларус аркылуу өлкөгө 11 миңден ашык мыйзамсыз мигрант кирген. Европа биримдиги беларус жетекчиси Александр Лукашенконун режими Жакынкы Чыгыштан мигранттарды Польшанын жана шаркеттин башка мүчөлөрү – Литва менен Латвиянын чек арасына атайлап алып келүүдө деп айыптап жатат. Бул көрүнүш Батыштан санкциялар үчүн өч алууну көздөгөн “гибриддик чабуул” катары сыпатталууда. Мыйзамсыз мигранттардын көбү Германияга өтүүнү максат кылышат. Акыркы айларда Берлин Польша менен чек арасында паспорт көзөмөлүн калыбына келтирген.
27-декабрдагы билдирүүдө немис полициясы мигранттар чек арадан мыйзамсыз өткөн учурлардын 95% август-ноябрь айларына туура келери, декабрда сандар азайганы айтылат. Германиянын мыйзамдарына ылайык, башпаанек сураган мигранттар арызы каралгыча өлкөдө кала берүүгө укуктуу.
Дагы караңыз
Баңги затка байланыштуу 1200 кылмыш катталды Кабулда аялдардын укуктарын чектөөгө каршы акцияда ок атылдыЖогорку сот Чүй - Кемин округу боюнча БШКнын чечимин жокко чыгардыКыргыз-кытай чек арасы убактылуу жабылатБаткенде аткезчилик менен жүк ташыган 170 учур аныкталды