29-августта Кабулдун эл аралык аэропортуна чукул жердеги калк жашаган райондогу үйгө ракета тийди. Ага чейин эле АКШнын расмий адамдары теракт коркунучу бардыгын эскерткен.
Associated Press агенттиги соккудан бир бала көз жумганын кабарлады. Кабул полициясынын башчысы Рашид түштөн кийин шаардын Хувжа Бугра районуна да ракета тийгенин билдирди. Азырынча чабуул үчүн эч ким жоопкерчилик ала элек.
Өлкөнүн Саламаттык сактоо министрлиги "Би-Би-Си" маалымат кызматына үйгө ракета тийгенин ырастады. Социалдык медиада тараган видеодо имараттан кара түтүн көтөрүлүп жатканын, бир нече киши үйдүн чатырында жалынга суу чачып жатканын көрүүгө болот.
Ушул тапта америкалык аскер күчтөрүнүн акыркысы Кабулдан чыгып кетип жатат. Миңдей киши аэропортто эвакуацияны күтүп жатканын «Рейтерс» агенттигине чет элдик коопсуздук кызматынын өкүлү билдирген.
28-августта АКШ президенти Жо Байден Ооганстандын айрым жерлеринде “кырдаал өтө опурталдуу” болуп турганын, Кабул аэропортуна террордук чабуул жасоо “ыктымалдыгы жогору” экенин айткан.
Дагы караңыз
Чек ара: Максатта үйлөр бүттү, көйгөй калдыДашков камакка кайтты, абак жетекчилери кызматтан четтедиНоябрга белгиленген шайлоо, саясий күчтөрдүн абалы жана дымагы Тажикстанга качкан ооган кыздары "Талибанга" ишенбейт