27-майда Бишкекте «Эсимде: өткөн тарыхты эстеп» долбоорунун алкагында "Чиеш тагдырлар II" китебинин бет ачары болду. Анда совет доорунда, XX кылымдагы сталиндик репрессиядан аман калган 12 кыргызстандыктын жеке окуялары баяндалган. Жүз нускада чыккан китептин бет ачарына коомдук жана саясий ишмерлер катышты.
“Чиеш тагдырлардын” биринчи китеби 2019-жылы жарык көргөн. Анда совет мезгилинде Кыргызстанда жашап, саясий куугунтукка кабылган адамдардын баяндары камтылган.
“Эсимде” долбоору буга чейин америкалык изилдөөчү Жефри Лилинин Азамат Алтай менен Чыңгыз Айтматовдун тагдырын чагылдырган «Темир тордун артындагы эки тагдыр» аттуу иликтөө китебин да чыгарган.
Быйыл 21-январда коомдук ишмер, профессор Роза Айтматова менен жазуучу Асан Ахматовдун сталиндик репрессиянын курмандыктарына арналган «Ата-Бейит» китебинин бет ачары болгон. Сталиндик репрессияда "эл душманы" деген жарлык тагылып, ондогон кыргызстандык жок кылынган. (MZh)
Дагы караңыз
Кумтөр-2017: Миллиарддаган экологиялык доодон баш тартууСулайман-Тоо: үч миллион сомдун доосуТалас: көз жарган өспүрүм кыздын жагдайын териштирүү башталдыЕврошаркет Беларуска санкция салууну талкуулап жатат Парламентте Баткенге өзгөчө макам берүү долбоору каралып жататДоллардын баасы кайра 84 сомдон аштыCOVID-19: Кытай вирустун чыгышын аныктоонун айланасындагы "саясий упай топтоону" сындады