Талас облустук биргелешкен ооруканасынын төрөт бөлүмүндө 26-майда 16 жашар өспүрүм көз жарды. Аталган ооруканын башчысынын орун басары Нургүл Момбекова кыз Кара-Буура районунун тургуну экенин, төрт килограмм салмактагы уулдуу болгонун билдирди.
Облустук милициянын басма сөз кызматы өспүрүмдүн кандай шартта кош бойлуу болгону териштирилип-иликтене баштаганын кабарлады.
Мамлекеттик статистика комитетинин соңку маалыматына караганда, 18 жашка чейинки куракта көз жарган кыздардын саны 2013-2014-жылдарга салыштырмалуу азайганы менен токтой элек. Ага ылайык, учурда миң өспүрүмгө алты төрөт туура келет. Министрликтин маалыматына ылайык, жыл сайын 500дөй 13-17 жашар кыз көз жарат. (MKt)
Дагы караңыз
