Өзбекстандын борбору Ташкенттеги айрым мектептер аралыктан окутуу режимине өтүүдө. Өлкөнүн Саламаттык сактоо министрлиги мындай кадамды коронавирустун тарашына каршы чара катары түшүндүрдү. Соңку күндөрү өлкө аймагында СOVID-19 вирусун жугузуп алгандардын саны көбөйүүдө.
14-мартта Өзбекстанда 111 адамдан вирус аныкталды. Бир күндө 100дөн ашык адам коронавирусту жугузуп алган учур бул мамлекетте акыркы жолу декабрда катталган болчу.
Саламаттык сактоо министрлиги өлкөдө инфекциялангандардын саны өсүп жатканын ырастап, бирок “социалдык тармактарда айтылгандай, абал коркунучтуу эмес экенин” билдирди.
Буга чейин социалдык тармактарда айрым ооруканалар толуп калганы боюнча билдирүүлөр тараган.
Ал эми Казакстандын саламаттык сактоо министри Алексей Цой 16-марттагы өкмөттүн жыйынын коронавируска байланыштуу божомолду жарыялады. Анын маалыматы боюнча, эпидемиологиялык кырдаал эки жол менен өнүгүшү мүмкүн.
Оптимисттик божомол боюнча өлкөдө вирусту жугузгандардын саны суткасына 500 адамды түзүшү мүмкүн. Эгер күнүнө илдетке кабылгандар 1700дөн ашса, анда кырдаалдын оорлошконунан кабар берээрин министр кошумчалады. Учурда Казакстанда күн сайын 850-1000 адамдан вирус аныкталып жатат.
Буга чейин Нур-Султан, Алматы шаарлары жана Батыш-Казакстан облусу вирус тез жайылып жаткан аймак катары таанылган.
Расмий эсеп боюнча Өзбекстанда 80678 адам, Казакстанда 225 миңден ашык адам коронавирус жуктуруп алган.
Дагы караңыз
Министр: Коронавирус илдети күчөсө, чектөө болушу мүмкүнАКШ Кыргызстандын Ирактан балдарды алып келгенин кубаттадыБУУнун чабарманы Сириядагы жаңжалды жөнгө салуу үчүн жаңы формат түзүүнү сунуштадыMуфтияттын башкы эсепчиси үй камагына чыкканы белгилүү болдуCургутта балдары өрттөн чарчап калган келиндин абалы оор экени айтылдыБлинкен АКШ-Жапония алакасын бекемдөөгө чакырды"Мегаком" компаниясынын башкы директору алмаштыӨкмөт: Кыргыз-өзбек өнүктүрүү фондунун уставдык капиталы 50 миллион долларды түзөт