Кыргызстанда 1-апрелден баштап бардык окуучулар мектептен окуй баштайт. Бул тууралуу биринчи вице-премьер-министр Артем Новиков 5-мартта билим берүү маселелерин талкуулаган кеңешмеде айтты.
Билим берүү жана илим министрлиги, жергиликтүү бийлик органдары, Саламаттык сактоо жана социалдык өнүктүрүү министрлиги окуу жараянын толук жандандырууга даярдыкты камсыздашы зарыл.
"Мектептер ата-энелерден окуу китептерин сатып алууну жана 2021-жылдын 1-сентябрына чейин атайын мектеп формасын кийүүнү талап кылышпайт",- деди Новиков.
Бала бакчадагы, окуу жайлардагы билим берүү жараяны да калыбына келтирилет.
Коронавирус пандемиясынан улам 2020-жылдын март айында Кыргызстандагы мектептер онлайн окутууга өткөн. 1-сентябрда 1-класстар гана мектепке барган.
Кийинчерээк аймактарда этап-этабы менен класстар мектепке каттап окуй баштаган. Бирок эпидемиологиялык абалдан улам Бишкек шаарындагы мектептер, бала бакчалар дагы эле толук ачылбай турат.
Кыргызстанда 2020-жылдын март айынан бери коронавирус жуктургандардын саны 86 миңден ашып, бир жарым миңдей бейтап каза болду. (SE)
Тектеш макалалар
Онлайн окуу: телефонго байланган окуучуларБишкекте 2-4-класстар да мектепке барып окуй башташат Мэрия: мектепке баруу азырынча окуучулардын өмүрүнө коркунучтуу "Мугалимдин күндөлүгү" сынагы башталды Бишкекте мектептерди ачууну талап кылган акция өттү Онлайн билим: «Интериңерди оңдогула!»