Бишкекте 9-марттан баштап 2, 3, 4-класстын окуучулары да мектепке барып окуй башташат. Мэриянын маалыматына караганда, мындай чечим эпидемияга жана эпизоотияга каршы комиссиянын отурумунун жыйынтыгында кабыл алынды.
Коронавирус пандемиясынан улам 2020-жылдын март айында Кыргызстандагы мектептер онлайн окутууга өткөн. 1-сентябрда 1-класстар мектепке барган.
2020-2021-окуу жылынын экинчи чейрегинде Бишкек шаарынан башка аймактардагы мектептер 1-6, 9, 11-класстарга ачылган. Андан кийин этап-этап менен башка класстар да бара баштаган.
Февралдан тартып Бишкекте 1, 5, 9, 11-класстын окуучуларына мектепке барып окууга уруксат берилген.
9-мартта бала бакчалар даярдоочу жана жогорку тайпадагы балдарга жана атасы же апасы гана тарбиялап жаткан жеткинчектерге эшигин ачат. Бирок ар бир тайпада баланын саны ондон ашпашы керек.
