Ички иштер министрлиги (ИИМ) Орусиянын курамындагы Алтай Республикасынын ички иштер кызматынан мончодо зордукталган өспүрүмдүн окуясын түшүндүргөн кат келгенин кабарлады.
24-январда кыргыз тилдүү социалдык медиада тараган видео боюнча териштирүү жүрүп, алгач бул окуя Кыргызстанда болду деген түкшүмөлдөр айтылган.
Алтай Республикасынан келген катка ылайык мончодогу окуя 2020-жылдын 29-июлунда Алтайдын Кош-Агач районунда болгон.
2020-жылдын август айынын башында кылмышка шектүү өспүрүмдөр жана зордуктоого учураган бала табылып, Орусия Федерациясынын Жаза кодексинин 91-беренесине ылайык шектүүлөр камакка алынган.
Алдын-ала жүргүзүлгөн тергөөдөн кийин 31-декабрда иш Кош-Агач райондук сотуна жиберилген. (BCh)