Садыр Жапаровдун алдында Кыргызстанды эл аралык милдеттенмелердин негизинде, анын ичинде адам укуктарынын принциптерин сактоо менен жетектөө жоопкерчилиги турат. Бул тууралуу «Human Rights Watch» эл аралык уюмунун Борбор Азия боюнча изилдөөчүсү Сыйнат Султаналиева «Азаттыкка» билдирди.
«Шайлоого чейинки окуялар, анын ичинде бийлик өлкөнүн Конституциясын көз жаздымда калтыруу менен тез арада президенттик шайлоого багыт алганы бир топ тынчсыздануу жаратат. Жапаров мырзада өлкөдөгү бийликти ишке ашыруу маселесинде жакшылап текшерүү жана тең салмактуулук принциптерин орноткон процессти жетектөөгө мүмкүнчүлүгү бар. Өзгөчө кечээки референдумду улай президенттик башкаруу формасына эмнелер камтылары белгисиз болуп турган учурда мунун мааниси чоң. Жапаров мырза өлкөнүн келечегин түптөөгө кадам таштап жаткан учурунда адам укуктары анын иш-аракетинин өзөгүн түзөрүн көрсөтүүгө мүмкүнчүлүгү бар»,- деди Султаналиева.
10-январда Кыргызстанда мөөнөтүнөн мурда президенттик шайлоо жана мамлекеттик башкаруу формасын аныктаган референдум болду.
Соңку расмий маалыматтарга караганда, 17 талапкер катышкан президенттик шайлоодо Садыр Жапаров 79% көбүрөөк добуш алды.
Президенттик шайлоодо утуп чыккан талапкер Борбордук шайлоо комиссиясы шайлоо жыйынтыгын расмий жарыялагандан кийин бир айдан соң кызматка кирише алат.
Ал эми Кыргызстандын мамлекеттик башкаруу формасын аныктоо боюнча референдумдагы добуштардын жыйынтыгында шайлоочулардын 80% көбү президенттик республика үчүн добуш берди, 11% жакыны парламенттик башкарууну колдогон. (SE)
Дагы караңыз
Путин Жапаровду жеңиши менен куттуктадыТүркия Кыргызстанды шайлоонун ийгиликтүү өтүшү менен куттуктадыКазакстандын президенти Касым-Жомарт Токаев Садыр Жапаровду куттуктадыШКУнун байкоочулар миссиясы Кыргызстандагы шайлоону тааныйт«Эл аралык толеранттуулук фонду»: Добуш берүү күнү бир катар мыйзам бузуу фактылары катталдыКурсан Асанов: Шайлоонун жыйынтыгы менен макул эмесминМадумаров референдумдун жыйынтыгын «жомок» деп атады (видео)Мадумаров: Президенттик шайлоо реалдуулуктан өтө алыс өттү (видео)Шайлоонун жыйынтыгы, Жапаровдун жеңишиСооронкулова: Шайлоочулардын үчтөн бир бөлүгү гана добуш берүүгө келгени - кооптуу көрсөткүчАбакиров: Бийликке келген күчтөр үчүн чыныгы күрөш алдыдаСегизбаев: Шайлоодо баарына бирдей мүмкүнчүлүк берилген жокРавшан Жээнбеков: Шайлоонун жыйынтыгын тааныйм