Индонезиянын «Sriwijaya Air» авиакомпаниясына таандык учак 9-январда баш калаа Жакартадагы аба майданынан асманга көтөрүлгөндөн бир мүнөт өтүп эле радардан көрүнбөй калды.
BBC аталган авиакомпанияга таянып кабарлагандай, учактагы 62 адамдын 12си экипаж мүчөлөрү, калгандары жүргүнчүлөр болгон. Арасында он бала бар, алардын айрымдары ымыркайлар.
Борнео аралындагы Понтианак шаарын көздөй учуп чыккан учак кырсыкка кабылганы айтылууда. Баштапкы маалыматтарга ылайык, ал Лаңкаң аралына жакын жердеги сууга кулаган. Бирок кырсык тууралуу так маалымат жок. Издөө иштери уланууда. (Кабар толукталат).