Европада бир күн ичинде коронавирус жугузуп алганы ырасталган адамдардын саны 22-октябрда биринчи жолу 200 миңден ашты. Бул тууралуу "Reuters" маалымат агенттиги жаңы талдоосунда билдирди. Ал талдоодо чөлкөмдө коронавирустун экинчи толкуну жүрүп жатканы, акыркы 10 күн ичинде жаңы бейтаптар эки эседен ашык көбөйгөнү белгиленген.
Европанын Оорулардын алдын алуу жана көзөмөлдөө борборунун маалыматына ылайык, континентте вирус жугузуп алгандар 5,3 миллиондон, COVID-19дан көз жумгандар 205 миң кишиден ашты.
Чехияда кайра карантин чаралары күчөтүлүп, соода түйүндөрүнүн көбү жабылды. Чех өкмөтү НАТОдон жана Евробиримдикке кирген өлкөлөрдөн 300 аскердик дарыгерди жардамга чакырды.
Белгия коронавирус күчөгөнүнө байланыштуу өтө зарыл эмес дарылоо курстарын токтотууда. Польшанын бийлиги баш калаа Варшавадагы улуттук стадионду 500 бейтапты дарылай турган убактылуу бейтапканага айландырууну чечти. Францияда COVID-19 жугузуп алгандар ооруканалардагы жалпы бейтаптардын 44% түзүүдө.
Дүйнө жүзүндө коронавирус жугузуп алгандар 41 миллион 713 миңден ашты. Пандемиянын курмандыктарынын жалпы саны бир миллион 137 миң кишиге жетти.
Дагы караңыз
Султанбеков Жапаровго: Сизди репутациясы күмөн санаткан адамдар курчап алыштыМадумаров: Азыркы бийлик «баары меники» деген кылмыштуу жолго түшүп алдыТоктогазиева: Авторитардык режимге жол ачылуудаМузейдеги буюмдарды мекемелерге берүүгө тыюу салынатОрусиянын Кыргызстанга каржылык жардамын жандантуу маселеси сүйлөшүлөт