Запорожьеде украин аскерлери турумун бекемдей баштады

Украинанын армиясы Бахмут жана Мелитополь багытында чабуулду улантууда. Запорожье облусунда украин аскерлери турумун бекемдей баштаганы маалымдалды. Ал эми Москва аннексияланган Крымда украин ракетасын атып түшүргөнүн айтса, Киев бейшембиге караган түнү баш калаага багытталган чабуулдун мизи кайтарылганын билдирди. Ал тапта украин өкмөтү согуш шартында да билим берүүнү токтотпош үчүн окуучуларга метро-станцияларда класстарды ачып жатат.