Билл жана Хиллари Клинтон инаугурацияга келишти.
Дональд Трамп президенттик кызматка 1 саат 5 мүнөттөн кийин киришет.
АКШ президентинин инаугурациясына билеттер расмий сатылбайт. Бирок салтанаттуу аземдин демөөрчүлөрү акча алат. 250 000 доллар төлөгөндөр өлкөнүн жогорку жетекчилигинин үй-бүлөсү менен кечки тамакка катыша алышат.
АКШнын 44-президенти Барак Обама Ак үйдөн расмий чыгып кетти.
Обама өлкөнү сегиз жыл башкарды. Ал Американын тарыхында алгачкы афроамерикалык президент катары калды. Обама Жорж Буштан рецессияга баткан, эки согушка толук кандуу катышып жаткан өлкөнү өткөрүп алган. Кызматына киришкенден кийин тогуз айдан соң 2009-жылы Нобелдин Тынчтык сыйлыгынын лауреаты болгон. Эки жолку шайлоо өнөктүгүндө ал көптөгөн убадаларды берген. Алардын айрымдарын аткарса, кайсы бир бөлүгүн аткара алган жок.
