Биринчи айым Трамп ант берүүчү жерге чыгып келатат.
Башталды. Трамп салтанаттуу аземге баратат. Ошондон кийин ал АКШнын президенти кызматына киришет.
АКШнын шайланган президентинин инаугурациясына каршы чыккан, кара кийимчен жана беткапчан адамдар тобу дүкөндөрдү талкалап, жол боюнда турган машинелердин жана Bank of America’нын кеңсесинин терезелерин талкалап салышты. “Рейтер” агенттиги тарткан видео.
Республикачыл Майк Пенс Трамптын администрациясында вице-президент болот.
Саясатка келгенге чейин Пенс юрист жана радио берүүлөрдүн алып баруучусу болчу: ал саясат маселелерине арналган “Майк Пенстин шоусу” программасын алып барчу.
Пенс Индиана штатынын губернатору болуп турганда салыктарды кыскартып, муну менен бюджеттин профицитин камсыздаган.
